წლების განმავლობაში წინამდებარე წიგნის ავტორებს მიჰყავდათ ბიზნესის საწყისი კურსი ESM ბიზნესის სკოლაში. ESM-ის თავისუფალი უნივერსიტეტის შემადგენლობაში შესვლის შემდეგ კურსი სავალდებულო გახდა უნივერსიტეტის ყველა სტუდენტისათვის და, ბუნებრივია, გარკვეული ცვლილებები განიცადა. ორიათასიან წლებში დაწერილმა ჩვენმა სახელმძღვანელომაც თანდათან აქტუალობა დაკარგა და ამ გარემოებებმა ახალი წიგნის დაწერის გამოწვევის წინაშე დაგვაყენა.