დებიუტი (პოეზია, პროზა, პუბლიცისტიკა, თარგმანები)
სტუდენტთა ლიტერატურულ-პუბლიცისტური კრებული

ადამიანები, რომლებიც ფლობენ კულტურის ენას - უნდა გადარჩნენ. ჩვენს გაუცხოვებულ, ფასეულობათა დაპირისპირების დაუნდობელ ასპარეზად ქცეულ სამყაროში მათ არამარტო თავისი წილი სევდა დააქვთ თან, არამედ სხვის ტკივილსაც ინაწილებენ. ფრანც ბოასი ამ უნარს `კულტურის სათვალეს“ უწოდებს. მაგრამ თუ ქვეყანას უნდა გადარჩეს, მას უნდა ჰყავდეს თაობა, რომელიც ამ სათვალეს დაეძებს. ღვთის მადლით, ისინი ჩვენ შორის არიან. ერთი შეხედვით, არაფრით გამორჩეულები, მოჯანყენი, ხშირად ზომაზე მეტად თამამები, მაგრამ ფიქრიანები. სწორედ მათ შეუძლიათ დაგვანახონ სამყარო ისეთი, რომელიც წლებმა წაგვართვა. დაგვიბრუნონ ის შეგრძნებები, რომლებიც სასიცოცხლოდ გვჭირდება. `შვილების თაობის“ მიერ გაღებული ეს წვლილი განსაკუთრებულია. მათ უკვე იგრძნეს მხატვრული სიტყვის ძალა და ჩვენი სულიერების მეციხოვნეთა კვალში ჩადგომას ცდილობენ. ჩვენ მხოლოდ ისღა დაგვრჩენია, წარმატება ვუსურვოთ ამ ახალგაზრდებს...