თანამედროვე ქართული ენის მორფოლოგიის აკადემიური კურსი დაეფუძნა ბესარიონ ჯორბენაძის პროგრამა პროსპექტს „ქართული ენის მორფოლოგია“ (1995 წ). „ქართული ენის მორფოლოგია“ ივარაუდებოდა ერთ ნაწილად მრავალტომეული სისტემური კურსისა „ქართული ენა“. თანამედროვე ქართული ენის მორფოლოგიის აკადემიური კურსი განხორციელდა შოთა რუსთაველის ეროვნული სამეცნიერო ფონდის ფინანსური მხარდაჭერით.

„ქართული ენის მორფოლოგია“ არის აკადემიური ნაშრომი, შემაჯამებელი მონოგრაფია, ტრადიციული და თანამედროვე მორფოლოგიური თეორიების გათვალისწინებით, ამგვარი ნაშრომის შექმნის პირველი პრეცენდენტი. მონოგრაფია დაეხმარება ქართული ენის მეცნიერული შესწავლის მსურველთ: უცხოელ ქართველოლოგებს, ბაკალავრიატისა და მაგისტრატურის სტუდენტებს, დოქტორანტებს და, საერთოდ, ქართული ენის მორფოლოგიის საკითხებით დაინტერესებულ პირებს. „თანამედროვე ქართული ენის მორფოლოგიის აკადემიური კურსი“ იქნება სერიოზული თეორიული ბაზისი კომპიუტერული მოდელირებისათვის.