სოხუმის სახელმწიფო უნივერსიტეტის პედაგოგიური ფაკულტეტი

წიგნში მიმოხილულია ისტორიული განვითარება ერ-თი საინტერესო კათედრისა, რომელიც იმთავითვე აფხაზეთის სახელმწიფო უნივერსიტეტის, ყოფილი სოხუმის სახელმწიფო პედაგოგიური ინსტიტუტის, პედაგოგიური ფაკულტეტის დაწყებითი სწავლების პედაგოგიკისა და მეთოდიკის კათედრის ნაწილს წარმოადგენდა მისი ქართული სექტორის სახით, შემდეგ, ატარებდა თბილისის სახელმწიფო უნივერსიტეტის სოხუმის ფილიალის პედაგოგიური ფაკულტეტის დაწყებითი სწავლების პედაგოგიკისა და მეთოდიკის კათედრის სახელს, და, ბოლოს, რომელსაც სრულებით წაეშალა სახელი ახალი კანონით, პედაგოგიური ფაკულტეტის განათლების ფაკულტეტად გადაკეთებისას. ამასთან დაკავშირებით, წიგნში განხილულია ფაკულტეტის ისტორია, ფიზიკური აღზრდის თეორიისა და მეთოდიკის კათედრის ისტორიის ნაწილობრივი განხილვით.

ნაშრომი განათლების ისტორიის კუთვნილებაა და გათვალისწინებულია მკითხველთა ფართო წრისათვის, იმათთვის, ვისთვისაც ძვირფასია აფხაზეთური ქართული განათლების სიდიადის გახსენება.