ჩვენ, ქართველებს ნათესავები არა გვყავს დედამიწის ზურგზე. ეს ძალიან უცნაური მოვლენაა. ყოველი ხალხი რომელიმე ოჯახს, რომელიმე რასას ეკუთვნის. ყველას ჰყავს ან ძმა, ან ბიძაშვილი, ან შორეული მოკეთე. ინდოელები, სპარსელები, ქურთები ევროპელების ნათესავები არიან. გერმანელები, ინგლისელები, ჰოლანდიელები, სკანდინავიელები ერთ ვიწრო ოჯახს შეადგენენ, მეორე ასეთი ოჯახი რომაელებია, მესამე -სლავები. ჩვენ რომელ რასას ვეკუთვნით? ეს არავინ იცის. ჩვენ არა ვართ ეთიოპები, უეჭველია, მაგრამ, თეთრი კანის მიუხედავად, არც ინდოევროპელები ვართ, არც სემიტები. უდედმამოდ გაჩენილ, ციდან ჩამოვარდნილ არსებას ვგავართ. ჩვენი ენა საოცრად განსხვავდება ყველა ცნობილ ენისგან: თავისებურია მისი ლექსიკონიც, მისი სინტაქსიც, მისი ფონეტიკაც.......