სახელმწიფო საზღვრების მოწყობის
გეოგრაფიულ-კარტოგრაფიული საკითხები
(საქართველოს საზღვრების მაგალითზე)

სახელმძღვანელოში გადმოცემულია სახელმწიფო საზღვრების მოწყობის როგორც გეოგრაფიულ-კარტოგრაფიული საკითხები, ისე სახელმწიფოს ტერიტორიული მთლიანობისა და ხელშეუხებლობის საერთაშორისო ნორმები. მიმოხილულია ქვეყნებს შორის ტრიტორიული გამიჯვნის ისტორიული პრაქტიკა უძველესი დროიდან თანამედროვე პერიოდამდე, სახელმწიფო საზღვრების პოლიტიკური, იურიდიული და გეოგრაფიული საფუძვლები; საზღვრების დელიმიტაციისა და დემარკაციის საკითხები; კარტოგრაფიული წყაროების შერჩევისა და ხარისხის შემოწმების მეთოდები. ჩამოყალიბებულია სახელმწიფო საზღვრების შემადგენელი ნაწილების საკლასიფიკაციო სქემები, მათი განსაზღვრისა და მდგენელი წერტილების პროექტირების მეთოდები. წიგნში დეტალურადაა მიმოხილული საქართველოს სახელმწიფო სასაზღვრო სივრცე - მოხდენილია მისი გეოინფორმაციული ანალიზი, რომლის საფუძველზე მოტანილია ახალი რაოდენობრივი და ხარისხობრივი მაჩვენებლები. წიგნს თან ერთვის ავტორის მონაწილეობით საერთაშორისო და ადგილობრივ სამეცნიერო ჟურნალებში სახელმწიფო საზღვრების შესახებ გამოქვეყნებული სტატიები.

წიგნი განკუთვნილია როგორც უმაღლესი სასწავლებლების სტუდენტების, მაგისტრანტებისა და ასპირანტებისათვის, ისე სახელმწიფო საზღვრების პრობლემებით დაინტერესებული ფართო საზოგადოებისათვის.