ექვთიმე თაყაიშვილის სახელობის საქართველოს საისტორიო საზოგადოების აფხაზეთის ორგანიზაციის ყოველწლიური სამეცნიერო გამოცემის (წელიწდეულის) „საისტორიო ძიებანი“-ს მე-3 წიგნი ეძღვნება შუა საუკუნეების ქართული ქრისტიანული ხუროთმოძღვრების ერთ-ერთი უშესანიშნავესი ძეგლის, ერთიანი ქართული სახელმწიფოებრიობის სიმბოლოს _ ბედიის ტაძრის აგების 1000 წლისთავს. მასში შესულია სტატიები საქართველოს ისტორიის, მსოფლიო ისტორიის, არქეოლოგიის, ეთნოგრაფიის, ქართული სამართლის ისტორიისა და თანამედროვე ქართული კანონმდებლობის, პოლიტოლოგიის აქტუალურ პრობლემებზე. წელიწდეული განკუთვნილია როგორც სპეციალისტების, ასევე ფართო მკითხველი საზოგადოებისათვის.