საიდუმლო კუნძულზე გარიყული ხუთი მამაცი ადამიანის თავგადასავალი ერთგვარი გაგრძელებაა რომანისა „80 000 კილომეტრი წყალქვეშ“, რამდენადაც წყალქვეშ დატრიალებული უცნაური ამბების კვანძი სწორედ ამ საიდუმლო კუნძულზე იხსნება. რომანი იკითხება სულმოუთქმელად და მოგვითხრობს ინჟინერ სმიტისა და მისი მეგობრების შესახებ, რომლებიც ტყვეთა ბანაკიდან გაპარვას მოახერხებენ და აეროსტატით გაეცლებიან საომარ ტერიტორიას. ბედი მათ უკაცრიელ კუნძულზე გარიყავს, რომელსაც დაუღალავი შრომის, შეუპოვრობისა და გამომგონებლური ნიჭის წყალობით რამდენიმე წელიწადში აყვავებულ კარ-მიდამოდ გადააქცევენ. თუმცა, რომ არა ახალმოსახლეთა უხილავი მწყალობელი, ისინი დიდხანს ვერ გასტანდნენ - გმირები ამ უხილავ მწყალობელს წიგნის ბოლო გვერდებამდე ეძებენ, და თუ ვინ აღმოჩნდება ის საბოლოოდ, მკითხველი თავად ამოიცნობს, თუკი რომანში მიმობნეულ სამხილებს კვალდაკვალ მიჰყვება...