ჩვენი, თქვენი ლექტორების, პროფესორ-მასწავლებლების სურვილიც სწორედ ესაა - დაგეხმაროთ, შეგასწავლოთ და სწორი მიმართულება მივცეთ თქვენს პირველ ნაბიჯებს ამ დიდად მნიშვნელოვან და საპასუხისმგებლო გზაზე. ჩვენი ვალია, დაგანახოთ ის სიკეთე, რომელიც სწავლა-განათლების მიღებას მოაქვს. ეს მხოლოდ დასაწყისია მომავალი დიდი ცხოვრებისა. ამიტომ თქვენც გევალებათ, დიდი მონდომებით მიიღოთ და გაითვალისწინოთ ჩვენი თქვენდამი დამოკიდებულება, ყოველი სიახლე, დღითიდღე განავითაროთ და განვითარდეთ.

გილოცავთ, ახალი და საინტერესო ცხოვრების დაწყებას, გვსურს, დაგილოცოთ ეს გზა და მუდამ გახსოვდეთ, რომ ისეთ სიმდიდრეს, როგორიც ცოდნა და განათლებაა, ვერაფერი შეცვლის! არ გადაუხვიოთ ამ გზიდან! იარეთ სულ წინ და წინ! ახალი წარმატებებითა და სიკეთით! გიყვარდეთ ერთმანეთი, დააფასეთ თქვენზე მზრუნველი ადამიანები, ჩვენი უნივერსიტეტი და არასოდეს დაივიწყოთ, რომ სწორედ სიყვარული და მადლიერებაა ყოველი სიკეთისა და წარმატების საფუძველი!