“კლოუნის თვალთახედვა” - გახლავთ მეორე მსოფლიო ომით გამოწვეული არეულობისა და ქაოსის ჩვენამდე მოტანის საუკეთესო გზა.”ზოგიერთი ცოცხალი მკვდარია, ზოგიერთი მკვდარი კი ცოცხალი!” - ასეთია დიდი გერმანელი მწერლის, მთარგმნელისა და “ნობელის პრემიის ლაურეატის” - ჰაინრიხ ბიოლისეული კლოუნის თვალთახედვა ამავე სახელწოდების რომანში. “კლოუნის თვალთახედვა”, უპირველეს ყოვლისა, ერთი რიგითი ხელოვანის ცხოვრებისეული ტკივილით აღსავსე ყოველდღიურობაა, რომელსაც ვერაფრით შეჰგუებია რომანის მთავარი გმირი.ეს გახლავთ იმდროინდელი ქალაქი ბონი - სავსე უამრავი ფსევდომორწმუნით, რომელთათვისაც ებრაელები გერმანიიის უსასტიკეს მტრებად ქცეულან და მათ გასანადგურებლად არაფერს ერიდებიან, ისინი საკუთარ შვილებსაც კი იმეტებენ.კლოუნი იმასაც კარგად ჰხედავს, როგორ ხვდებიან მის ქალაქში ერთი პატარა ჭორფლიანი ბიჭის სიკვდილს,რომელიც ტანკსაწინააღმდეგო ყუმბარის გამოცდას ეწირება.მისი დაღუპვის მხილველთ კი “სანუგეშოდ” წამოსცდებათ: “კიდევ კარგი ობოლი იყოო”. ამიტომაცაა, რომ კლოუნისთვის გაუცხოებულა ის ხალხიც, რომელთა გვერდითაც უხდება ცხოვრება და ის ეპოქაც, რომელსაც იგივე ხალხი წარმოადგენს. აღნიშნული რომანი დიდი “ფსიქოლოგიური ჟანრის” ნაწარმოებია, რომელიც ყველა მკითხველში აღძრავს “ცხოვრებისაგან დაუკმაყოფილებელ ემოციებს”.