თბილისის წარსულის ამსახველი არქეოლოგიური ძეგლები ყოველთვის დიდ ინტერესს იწვევდა. მათი გეგმაზომიერი გათხრები დედაქალაქის ძველი უბნების მჭიდროდ დასახლების გამო თითქმის შეუძლებელია. თბილისის ყველა არქეოლოგიური ძეგლი შემთხვევითაა გამოვლენილი. ამ აღმოჩენებს შეძლებისდაგვარად თან სდევდა მცირე მასშტაბის გათხრები. უკანასკნელ წლებში დედაქალაქის ძველ უბნებში ინტენსიური მშენებლობის წყალობით ხშირად ჩნდება და სამწუხაროდ ხშირად ნადგურდება კიდეც არქეოლოგიური ძეგლები.

ნაშრომი ეძღვნება ძველ თბილისში, კ. ლესელიძის ქუჩაზე მდებარე ქარვასლისა და სინაგოგის ტერიტორიაზე გამოვლენილი საინტერესო არქეოლოგიური მასალის პუბლიკაციას. ნაშრომი განკუთვნილია არქეოლოგების, ისტორიკოსებისა და საერთოდ, დედაქალაქის წარსულით დაინტერესებული მკითხველისათვის.