წიგნში საისტორიო, ეთნოლოგიური, ლინგვისტური და სხვა მეცნიერების მონაცემების საფუძველზე დადგენილია, რომ ენობრივად მონათესავე ეთნოსების _ აფხაზების, აბაზების, უბიხების და ადიღელების/ჩერქეზების/ყაბარდოელების წინაპართა თავდაპირველი განსახლების არეალი ჩრდილოეთით იყო: აზოვის ზღვის მიმდებარე აღმოსავლეთი და დასავლეთი არეალები, დონის შესართავი დელტა, ჩრდილოეთი შავიზღვისპირეთი და სამხრეთ უკრაინა. აფხაზებისა და ადიღეელების ეთნოგენეზში მონაწილეობა მიიღეს მეოტებმა (პროტოადიღეელებმა), ირანულენოვანმა მომთაბარეებმა და ქართველურმა ერთობებმა (ზანებმა და სვანებმა).