უმაღლეს სასწავლებელში ფიზიოლოგიის სწავლება აუცილებლად გულისხმობს სტუდენტების მიერ ლაბორატორიული სამუშოების ჩატარებას. ლაბორატორიული სამუშაოს მსვლელობაში სტუდენტი ჰპოვებს თეორიული მასალის უშუალო მტკიცებულებას, ითვისებს ფიზიოლოგიური კვლევის მეთოდებს, იძენს სხვადასხვა სახის ექსპერიმენტის დაყენებისა და ჩატარების უნარჩვევებს; ითვისებს ფიზიოლოგიური ფუნქციის კვლევის როგორც კლასიკურ მეთოდებს და ტექნიკურ ხერხებს, რომლებსაც თავისი განუმეორებელი ადგილი და მნიშვნელობა შენარჩუნებული აქვს დღესაც, ასევე ეცნობა ბიოლოგიური სისტემის ორგანიზაციისა და ფუნქციონირების კვლევისა და ანალიზის ყველაზე თანამედროვე ფიზიკურ-ქიმიურ მეთოდებს.