სიბრძნე სიცრუისა

სულხან-საბა ორბელიანის პირველი ლიტერატურული ქმნილება, იგი დაწერილია XVII საუკუნის ბოლო მეოთხედში. წიგნი სულხან–საბა ორბელიანს დაუწერია ახალგაზრდობაში. როგორც გვაუწყებს თხზულების ხელნაწერი „ჟამსა სიჭაბუკისასა“ (ყოველ შემთხვევაში, ბერად აღკვეცამდე, ანუ 1698 წლამდე) წიგნი შეიცავს იგავ–არაკების კრებულს, რომელიც წარმოდგენილია ფაბულური მოთხრობის ფონზე, ავტორს მოქმედ პირებად გამოჰყავს ცხოველები და ფრინველები, გადააქვს მოქმედება უცხო ქვეყნებსა და ქალაქებში, გამოჰყავს გმირებად მაჰმადიანი უცხოელები. რეალურად კი, იგავებში აღწერილი მოვლენებიც და პერსონაჟთა ხასიათებიც ქართულია. იგავები დაწერილია მოქნილი, ადვილად გასაგები და დახვეწილი ენით, მოკლე ფრაზებით და სხარტი გამოთქმებით.