„ქართლის ცხოვრება“ საქართველოს ისტორიის შესწავლისათვის ერთ-ერთი ძირითადი წყაროა. მისი მნიშვნელობა ძველადაც კარგად ესმოდათ და სწორედ ამან განაპირობა, რომ მისმა რამდენიმე ათეულმა ნუსხამ ჩვენამდე მოაღწია. სარედაქციო კოლეგია ითვალისწინებს მოთხოვნილებას „ქართლის ცხოვრების“ კრიტიკული ტექსტის ახალ გამოცემაზე და განახლებული სახით წარუდგენს მას მკითხველ საზოგადოებას.