თქვენ წინაშეა ინგლისელ, ამერიკელ და ავსტრალიელ ავტორთა ნაშრომებიდან 36 წლის მანძილზე ამოკრეფილი სიტყვებისა და ფრაზების მცირე კრებული, რომლის დანიშნულებაა დაეხმაროს არქეოლოგს თავისუფლად წაიკითხოს და გაიგოს მისთვის საინტერესო ტექსტი, ხოლო სურვილის შემთხვევაში თავადაც დაწეროს ნაშრომი ინგლისურად, რადგან ლექსიკონი შეიცავს, მაგალითად, აბანოს, აგურის, ბეჭდის, დათარიღების, თიხის, იარაღის, კერამიკის, კეცის, მონეტის, მძივის, ნაგებობის, ობსიდიანისა და ქვის ნივთების, ორნამენტის, რეტუშის, სამაჯურის, სამარხის, სახურავის, ფერის, ჭურჭლის სხვადასხვა სახეობათა აღმნიშვნელ ტერმინებს.

ზოგიერთ სიტყვას, ქართულსა თუ ინგლისურს, უწერია რამდენიმე სინონიმი, რაც საშუალებას მოგცემთ შეარჩიოთ ის, რომელიც ყველაზე უკეთ გამოხატავს თქვენ აზრს ამა თუ იმ მოცემულ შემთხვევაში.

წიგნში შესულია საკუთარ და გეოგრაფიულ სახელთა მცირე ნუსხა ორივე ენაზე და გამოყენებულ შემოკლებათა სრული სია.