ნანული ძიმცეიშვილი ეკონომიკის  აკადემიური დოქტორი, ასოცირებული პროფესორი.

დაიბადა 1950 წლის 9 აპრილს ზუგდიდის რაიონში. 1973 წელს წარჩინებით დაამთავრა ივ.ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი ბუღალტრული აღრიცხვისა და ეკონომიკური ანალიზის სპეციალობით.

1973-1976 წლებში სწავლობდა ასპირანტურაში ბუღალტრული აღრიცხვისა და ეკონომიკური ანალიზის განხრით. 1982 წელს  დაიცვა დისერტაცია ქ. მოსკოვში და მიენიჭა ეკონომიკურ მეცნიერებათა კანდიდატის სამეცნიერო ხარისხი.

 1973-1982 წლებში მუშაობდა თბილისის სახელმწიფო უნივერსიტეტში ბუღალტრული აღრიცხვისა და ეკონომიკური ანალიზის კათედრაზე მასწავლებლად, ხოლო 1982-1985 წლებში დოცენტად. 1985-1988 წლებში მუშაობდა მოსკოვის კოოპერაციის ინსტიტუტში (თბილისის ფილიალი), ბუღალტრული აღრიცხვის მიმართულების ხელმძღვანელად. 1988-1998 წლებში ეკონომიკური  და სოციალური პრობლემების სამეცნიერო-კვლევით ინსტიტუტში ფინანსების განყოფილების წამყვან მეცნიერ-თანამშრომლად. 1994-2005 წლებში საქართველოს ფინანსთა სამინისტროსთან არსებული ფინანსების სამეცნიერო კვლევით ინსტიტუტში წამყვან მეცნიერ-თანამშრომლად. 1994 წლიდან დღემდე სოხუმის სახელმწიფო უნივერსიტეტში ბუღალტრული აღრიცხვისა და აუდიტის კათედრაზე ასოცირებულ პროფესორად.

1998 წლიდან დღემდე არის სერთიფიცირებული აუდიტორი.

გამოქვეყნებული აქვს 70-ზე მეტი სამეცნიერო ნაშრომი და სამი სახელმძღვანელო