მედიასამართალი თანამედროვე ეპოქის ერთ-ერთ უმნიშვნელოვანეს დარგს წარმოადგენს. მისი განვითარება კაცობრიობის უდიდეს წარმატებებს უკავშირდება – ამჟამად თითოეულ ჩვენგანს შესაძლებლობა აქვს ყოველდღიურად სხვადასხვა სახის ინფორმაცია თუ მონაცემები მიიღოს ისეთი ტექნიკური საშუალებებით, როგორიცაა ტელევიზორი, რადიო, ინტერნეტი და ა.შ.

მედიასამართლის განვითარებასთან ერთად განვითარდა შესაბამისი კანონმდებლობა. თუ თხუთმეტიოდე წლის წინ ნაკლები აქცენტი კეთდებოდა ისეთი სახის პრობლემურ საკითხებზე, როგორიცაა მაუწყებლობის ტრანზიტი, მაუწყებლობა და სხვ. დღეს თითოეული მათგანი სამართლებრივად წესრიგდება.

წინამდებარე სახელმძღვანელო წარმოადგენს დავით ბატონიშვილის სამართლის ინსტიტუტის გამოცემას, რომელიც მნიშვნელოვან და აქტუალურ საკითხებს ეხება. ნაშრომი განკუთვნილია იურისტებისთვის, ჟურნალისტებისთვის და მედიასამართლის კვლევით დაინტერესებულ პირთა ფართო წრისთვის.