უილიამ თეკერეი (დ. 18 ივლისი, 1811 – გ. 24 დეკემბერი, 1863) იყო XIX საუკუნის ინგლისელი რომანისტი. იგი ცნობილი იყო თავისი სატირული ნაშრომებით, მათ შორისაა ამაოების ბაზარი, რომელიც ინგლისური საზოგადოების პანორამულ სურათს წარმოადგენს. უილიამ თეკერეი დაიბადა კალკუტაში, ინდოეთში. იგი იყო რიჩმონდ თეკერეის და ანა ბეკერ ტეკერეის ერთადერთი შვილი. მამამისი, რიჩმონდ თეკერეი (დ.1 სექტემბერი, 1781 – 13 სექტემბერი, 1815) მსახურობდა სამხრეთ ინდოეთის კომპანიაში. უილიამის მამა გარდაიცვალა 1815 წელს, რამაც გადააწყვეტინა დედამისს, რომ უილიამი დაებრუნებინა ინგლისში 1816 წელს (თვითონ კი ინდოეთში დარჩა).უილიამმა განათლება მიიღო ჩარტერჰაუსის კერძო სასწავლებელში. ავადმყოფობის გამო 1829 წლის თებერვლამდე გადაიდო მისი ჩარიცხვა ტრინიტის კოლეჯში, კემბრიჯში.