.

ავტორი (ები): შორენა კორტავა
დაბადების თარიღი: 1977-11-25
ენა: Geo
სქესი: მდედრობითი

ვებგვერდი:
ავტორის შესახებ

შორენა კორტავა სოციოლოგიის დოქტორი.

ავტობიოგრაფია

დავიბადე 1977 წლის 25 ნოემბერს ქ. ხობში. დედა, მზისადარ გელანტია, დაბადებული 1940 წელს არის პედაგოგი, წლების მანძილზე მოღვაწეობდა ქ. ხობის #2 საშუალო სკოლაში დაწყებითი კლასების მასწავლებლად. უმაღლესი განათლება აქვს მიღებული ქ. ქუთაისის ალექსანდრე წულუკიძის სახელობის პედაგოგიურ ინსტიტუტში. მამა, რევაზ კორტავა, დაბადებული 1932 წელს ასევე არის პედაგოგი, ქართული ენისა და ლიტერატურის სპეციალისტი. განათლება ასევე მიღებული აქვს ქ. ქუთაისის ალექსანდრე წულუკიძის სახელობის პედაგოგიურ ინსტიტუტში. ოცდაცამეტი წლის მანძილზე მუშაობდა საშუალო სკოლის დერიქტორად. მყავს ორი და და ერთი ძმა: მზექალა კორტავა, ელზა კორტავა და ზვიად კორტავა. სამივე სპეციალობით არიან ეკონომისტები. განათლება მიღებული აქვთ თბილისის ივანე ჯავახიშვილის სახელობის სახელმწიფო უნივერსიტეტში. ძმა, ზვიად კორტავა პროფესიის მიღმა ასევე იყო წარმატებული სპორტსმენი, ბრასის სტილით ცურმავაში სპორტის ოსტატი და საქართველოს მოცურავეთა ნაკრების ყოფილი წევრი.

1983 წელს შემიყავნეს ხობის #2 საშუალო სკოლაში, რომელიც 1994 წელს დავამთავრე წარმატებით. 1994 წელსვე ჩავირიცხე თბილისის ივანე ჯავახიშვილის სახელმწიფო უნივერსიტეტში ფილოსოფია-სოციოლოგიის ფაკულტეტზე უფასო სწავლების ჯგუფში სოციოლოგიის განხრით. 1998 წელს მომენიჭა სოციოლოგიის ბაკალავრის ხარისხი.

2000 წელს ჩავირიცხე კვლავ თბილისის ივანე ჯავახიშვილის სახელობის სახელმწიფო უნივერსიტეტში მაგისტრატურის უფასო კურზე ფილოსოფია-სოციოლოგიის ფაკულტეტზე სოციოლოგიის განხრით. 2002 წელს, 27 ივნისს დავიცავი წარმატებით სამაგისტრო ნაშრომი თემაზე „პოლიტიკური სისტემები და ძალაუფლების განაწილების მექნიზმი“, რის საფუძველზეც მომენიჭა სოციოლოგიის მაგისტრის წოდება. მაგისტრატურაში სწავლების პერიოდში დამოუკიდებლად, პროფესორ ვაჟა გოროზიას ხელმღვანელობით ჩატარებული მაქვს ორი ემპირიული სოციოლოგიური გამოკვლევა (#1_ ძალაუფლების განაწილების მექანიზმი ქართულ პოლიტიკურ სივრცეში; #2_ ეთნიკური უმცირესობების ინტეგრირებულობა ქართულ სივრცეში).

 2003 წელს ჩავირიცხე ასპირანტურაში პოლიტიკის სოციოლოგიის განხრით კათედრის ასპირანტად (თბილისის ივანე ჯავახიშვილის სახელობის სახელმწიფო უნივერსიტეტში ფილოსოფია-სოციოლოგიის ფაკულტეტზე). 2005 წელს დავამთავრე ასპირანტურა. ჩაბარებული მქონდა ყველა საკანდიდატო მინიმუმი და მზად მქონდა სადისერტაციო თემა „ძალაუფლება, როგორც კომუნიკაციის საშუალება“ (თემის ხელმძღვანელი იყო მიწვეული პროფესორი გია ნოდია), მაგრამ ფაკულტეტის დაშლის გამო დაიშალა სადისრტაციო საბჭო და დაცვა ვერ შედგა.

2003-2006 წლებში ვმუშაობდი საქართველოს სოციალური დაზღვევის ერთიანი სახელმწიფო ფონდში სოციოლოგიად ჯერ საზოგადოებასთან ურთიერთობის დეპარტამენში, შემდეგ კი ავტომატიზირებული აღრიცხვისა და ადამიანურ რესურსთა მართვის დეპარტამენტში. ფონდში მუშაობის პერიოდში ჩატარებული მაქვს ემპირიული სოციოლოგიური კვლევა - „საქართველოს სოციალური დაზღვევის ერთიანი სახელმწიფო ფონდის ფარგლებში შრომითი ეფექტურობის გაზრდა“.

 2007-2009 წლებში ვსწავლობდი თბილისის გოეთეს კულტურისა და ენის ინსტიტუტში, სადაც 2008 წელს გერმანული კულტურის ღია კარის დღეზე გავიმარჯვე და ამავე წელს მომიწია გამგაზვრება ვიზიტით გემანიაში, მიუნხენში.

2009 წელს თბილისი ივანე ჯავახიშვილის სახელობის სახელმწიფო უნივერსიტეტში ჩავირიცხე სოციალურ და პოლიტიკურ მეცნიერებათ ფაკულტეტზე დოქტორანტურაში, განხრით ზოგადი სოციოლოგია. მეცნიერ ხელმძღვანელად დამენიშნა პროფესორი ამირან ბერძენიშვილი. 2011 წელს გაზაფხულზე დავიცავი სადოქტორო ნაშრომი. სადოქტორო ნაშრომის თემა იყო „საზოგადოების ძალფულებრივი თეორიები“. 2011 წლის 10 მაისს სადისერტაციო საბჭოს გადაწყვეტილებით მომენიჭა სოციოლოგიის დოქოტორის წოდება.

2011 წელს მუშაობა დავიწყე თბილისის ივანე ჯავახიშვილის სახელობის სახელმწიფო უნივერსიტეტში ტურიზმის დეპარტამენტში ვადიანი ხელშეკრულებით ლექტორის პოზიციაზე. ვკითხულბოდი „სოციოლოგიის საფუძვლებს“. 2012 წლიდან კი ვმუშაობ დღემდე სოხუმის სახელმწიფო უნივერსიტეტში სოციალურ და პოლიტიკურ მეცნიერებათა ფაკულტეტზე ასისტენტ-პროფესორად, ასევე კავკასიის საერთაშორისო უნივერსიტეტში ასოცირებულ პროფესორად (ვარ მოწვული პროფესორი) სოციალურ მეცნიერებათა ფაკულტეტზე. წლის განმავლობაში ვკითხულობ შემდეგ საგნებს: „პოლიტიკის სოციოლგია“, „ინფორმაციული საზოგადოების თეორიები“, „საზოგადოებასთან ურთიერთობა“, „სოციოლოგიის საფუძვლები“, „სახელმწიფო და სამოქალაქო საზოგადოება“. გარდა ამისა 2015 წლის 1 ოქტომბრიდან ვარ ახალგაზრდა მკვლევართა და ანალიტიკოსთა სამეცნიერო კვლევებისა და სამუშაოების ხელმძღვანელი.

ჩემი ჰობია მუსიკა. ბავშვობისას ვიყავი ბიტლომანი, ასევე ვუსმენდი რუსულ როკს, კერძოდ ვიქოტორ ცოის. ამჟამად ძირითადად ვუსმენ იოდელს, უდო იურგენსს, იონას კაუფმანს, რეინჰარდ მეის, გეორგ დანზერს. ჩემი საყვარელი მწერალია კნუტ ჰამსუნი და მაქს ფრიში. საყვარელი პოეტი ედგარ ალან პო. მიყვარს ცხოველები, განსაკუთრებით კატები. მყავს ციმბირული კატა „პეპილოტა“.

ოჯახური მდგომარეობა -  დაუოჯახებელი. ვცხოვრობ დედ-მამასთან ერთად.