წიგნში მკითხველი გაეცნობა როგორც ქართული მწერლობის, ისე საზღვარგარეთის ლიტერატურის ისტორიის სხვადასხვა დროის თვალსაჩინო წარმომადგენელთა პოეტური შემოქმედების ზოგიერთ მნიშვნელოვან საკითხებს. მასში მოცემულია დაკვირვებები ძველ ჩინურ პოეზიაზე, ძველი იაპონური პოეზიის მარგალიტებზე, ფედერიკო გარსია ლორკას „კანტე ხონდოზე“, ჩონ ჩხოლის ლირიკაზე. ინტერესს იწვევს აღნიშნულ პოეტურ სამყაროსთან ქართველი პოეტების მსოფლმხედველობრივი და სულიერი შეხმიანების ასპექტების წარმოჩენა სათანადო პარალელების მოხმობის საფუძველზე.