მონოგრაფიაში საკვლევი პრობლემის ირგვლივ არსებული დოკუმენტების, სამეცნიერო ლიტერატურის, პრესის მასალების ანალიზის საფუძველზე განხილულია აფხაზეთსა და ე. წ. „სამხრეთ ოსეთში“ მიმდინარე შეიარაღებული კონფლიქტები დაწყებული XX საუკუნის 20-იანი წლებიდან დღემდე რუსეთ-საქართველოს ურთიერთობების კონტექსტში, ნაჩვენებია, რომ აღნიშნული კონფლიქტები რეალურად იყო რუ სეთის ფედერაციის გამოუცხადებელი ომი საქართველოს სახელმწიფოს წინააღმდეგ. ნაშრომში საგანგებოდაა გამახვილებული ყურადღება საერთაშორისო ორგანიზაციების, კერძოდ, გაეროს, ევროკავშირის, ეუთოს ძალისხმევაზე კონფლიქტების მშვიდობიანი დარეგულირებისათვის. წიგნი განკუთვნილია კონფლიქტოლოგების, პოლიტოლოგების, ისტორიკოსების, ზოგადად აღნიშნული პრობლემით დაინტერესებული მკითხველი საზოგადოებისათვის. ის შეიძლება გამოყენებულ იქნეს სასწავლო პროცესში როგორც დამხმარე სახელმძღვანელო ისტორიისა და სოციალურ-პოლიტიკურ მეცნიერებათა სპეციალობების სტუდენტებისთვის.