ქართული წიგნის სამსახურში

წინამდებარე წიგნში ერთი უბრალო მოქალაქის, საოცრად ენერგიული და ერუდირებული ქართველი მეცნიერის, ჭეშმარიტად ლამაზი და სპეტაკი სულის ადამიანის - რომანოზ დანელიას ეროვნული სულისკვეთებით გაჟღენთილი ცხოვრება და შემოქმედებაა ასახული. რომანოზ დანელია ის კაცია, რომელმაც მთელი თავისი ცხოვრება მიუძღვნა ქართული განათლების განვითარების დიად საქმეს და დღესაც მუხლჩაუხრელად შრომობს. ეს არის ქართული ეროვნული განათლების უანგარო და მაღალი რანგის მოღვაწე.

წიგნი განეკუთვნება ქართული განათლების ისტორიას, ეძღვნება რომანოზ დანელიას დაბადებიდან 70 წლის იუბილეს და დაწერილია მისივე მოგონებებისა და სხვა პუბლიკაციების საფუძველზე. იგი საინტერესო იქნება მკითხველთა ფართო წრისათვის, მათთვის, ვისაც აინტერესებს ქართული განათლების ისტორია.