წარმოდგენილი ნაშრომი არის გაგრძელება ადრე გამოცემული წიგნისა “ნარკვევები თანამედროვე აფხაზეთის ისტორიული წარსულიდან” (ნაკ. I. თბ., 2004). მასში გაშუქებულია საზოგადოებრივ-პოლიტიკური პროცესები აფხაზეთში 1917 წლიდან 1993 წლის სექტემბრის ჩათვლით. ეს არ არის რეგიონის სრული, ყოვლისმომცველი ისტორია, მასში ძირითადი აქცენტები გადატანილია ე.წ. `სადავო პრობლემებზე~ და სათანადო პირველწყაროების ანალიზისა და ისტორიოგრაფიული მემკვიდრეობის კრიტიკული ათვისების ფონზე ნაჩვენებია, რომ აფხაზეთი განსახილველ პეროდში კვლავინდებურად რჩებოდა ერთიანი ქართული ეთნო-კულტურული და პოლიტიკურ სახელმწიფოებრივი სამყაროს ორგანულ ნაწილად. წიგნი განკუთვნილია საქართველო-აფხაზეთის ისტორიით დაინტერესებულ მკითხველთათვის. გარდა ამისა, მან შეიძლება შეასრულოს ერთგვარი დამხმარე სახელმძღვანელოს ფუნქცია საშუალო სკოლის მასწავლებლებისა და ისტორიის სპეციალობის სტუდენტებისათვის.