მათემატიკა სხარტულებში

აზრთა წინამდებარე თაიგული იქმნებოდა მრავალი წლის განმავლობაში, თანდათანობით. ამის გამო, შეუძლებელია აღდგენა იმ ლიტერატურის ჩამონათვალისა, საიდანაც ეს მარგალიტებია ამოკრებილი.

რა ლამაზად თქვა სიმეონ დენი პუასონმა: „ცხოვრებას ალამაზებს ორი რამ: ის, რომ შეგიძლია მათემატიკა ისწავლო და ის, რომ შეგიძლია იგი ასწავლო“. ეს სწორედ ასეა და წინამდებარე კრებული, დარწმუნებული ვართ, მკითხველს, ამის გამო, მით უმეტეს, უთუოდ დააინტერესებს.

წიგნი გამოადგება ყველას, ვინც მწყრალად არ არის მათემატიკისადმი. მათ კი, ვინც მწყრალადაა განსაკუთრებით ვურჩევთ მის წაკითხვას, იქნებ განქარდეს ეს „სიმწყრალე“.