უფრო საგულისხმოს წინამდებარე კრებული გეტყვით, მე კი შემიძლია გითხრათ, რომ ნამდვილად ნიჭიერ გოგონას გაიცნობთ, რომელიც, თავისი ასაკისთვის შეუფერებელი უსაზღვრო სევდითა და შესაშური შემართებით, აუცილებლად გაიგნებს გზას თქვენი გულებისკენ. გადავწყვიტე, ყოველგვარი ზედმეტი ჩარევისა და „შეფუთვის“ გარეშე მომეწოდებინა თქვენთვის ეს ცინცხალი, მართალი ლექსები და არც მკაცრ განსჯას მოველი, რადგან, მივიჩნიე, რომ ეს ის შემთხვევაა, როცა ავტორს უნდა ენდო! დიახ, მე მჯერა მომავლის და მინდა, ივდოს წარმატებები ვუსურვო იმ გზაზე, რომელზეც ის შემთხვევით არ აღმოჩენილა.