ამ ბრძანების გამოცემის შემდეგ მოსკოვის სახელმწიფო უნივერსიტეტის უცხოური ენების ფაკულტეტზე ქვეყნის სხვადასხვა კუთხიდან მოდიოდა წერილები, ფაქსები, ელექტრონული წერილები, მოდიოდნენ კოლეგები ერთი და იმავე კითხვებით: რა არის კულტურათაშორისი კომუნიკაცია? სად მივიღოთ ინფორმაცია? არსებობს თუ არა მასალები?

ჩვენ გავხსენით კვალიფიკაციის ასამაღლებელი ყოველწლიური კურსი, რომელზეც მოთხოვნილება დიდი იყო. ჩვენ გვქონდა სათქმელი მათთვის, ვინც შეკითხვებით მოგვმართავდა, რადგანაც ერთ-ერთი პირველები დავინტერესდით კულტურათა და ხალხთა ურთიერთობის პრობლემებით. 1992 წლიდან წარმატებით ფუნქციონირებს კულტურათა ურთიერთ-ქმედების შემსწავლელი ცენტრი, სადაც ერთად მუშაობენ ლინგვისტები, ისტორიკოსები, ფილოსოფოსები, ლიტერატურათმცოდნეები, ფსიქო-ლოგები, სოციოლოგები.