„დანიშნა“ თუ არა ზვიად გამსახურდიამ ვლადისლავ არძინბა? 

ხელისუფლებისათვის ბრძოლა აფხაზეთის ავტონომიურ რესპუბლიკაში, როგორც წესი, კლანურ ხასიათს ატარებდა. კლანური დაპირისპირება კი, ძირითადად, მატერიალური და სოციალური კეთილდღეობის მოსაპოვებლად მიმდინარეობდა. ამ ბრძოლაში, უმთავრესად, ორი კლანი იყო ჩართული: გუდაუთური და ოჩამჩირული. გუდაუთის კლანში „აფსუა-აბაზური“ წარმოშობის ეთნოსი სჭარბობდა, ოჩამჩირულ კლანში კი – გააფხაზებული მეგრელები, რომელთაც კარგად ახსოვდათ თავიანთი წარმომავლობა და მეგრულადაც შესანიშნავად მეტყველებდნენ.