ქართული მოდერნიზმი

მოდერნიზმი საქართველოში მაშინ შემოვიდა, როდესაც რუსეთში უკვე ირღვეოდა, მაგრამ ერთბაშად დაეუფლა ახალთაობის სულს და სწრაფად გაიმარჯვა, თუმცა მკითხველს გაუჭირდება მისი აღქმა და გათავისება. მოდერნიზმი წარმოედგინათ როგორც განახლება და არა მხოლოდ რომელიმე სტილის ან მიმართულების პედანტური ათვისება და გაგრძელება. ამიტომ ყურადღება ექცეოდა როგორც კლასიკას, ისე ახალ სახელებს, უცხოეთიდან მოვლენილთ. მაგრამ მასა კონსერვატიული ძალაა და ვერ ჰგუობს სწრაფ ფერისცვალებას. საზოგადოებაში გავრცელდა და დამკვიდრდა აზრი, რომ ქართული მწერლობა დაეცა და დაღუპვის კართანაა.