წინამდებარე პირველი წიგნი შესავალია შუასაუკუნეების ქართული ქალაქების შესწავლისთვის. აქ განხილულია ქართული წერილობითი წყაროების ცნობები ძველი ქართული ქალაქების შესახებ და ნაქალაქართა არქეოლოგიური დაზვერვის შედეგები. მკითხველი აქვე გაეცნობა ქალაქების და სხვა ძველი დასახლებული ადგილების სახელებს, მათ სავარაუდო განმარტებებს. ასე ცალ-ცალკეა განხილული: „ქალაქი“, „დაბა“, „უბანი“, „ციხე“, „ციხე-ქალაქი“, „ველის-ციხე“ და სხვა. გაშუქებულია ქალაქების დამოკიდებულების საკითხი მათსავე დამცველ ციხეებთან, სამეურნეო რაიონთან-დაბებთან, თვით ქალაქების ტიპოლოგია და ქალაქებთან დაკავშირებული ბევრი სხვა საინტერესო საკითხი.