დიდი და პატარა ზღაპრები

თხზულებების მე-11 ტომში ძირითადად შევიდა ზღაპრები, რომელთა ნაწილი ქვეყნდებოდა საბავშვო ჟურნალ-გაზეთებში («დილა», «აი ია», «პიონერი», «ნორჩი ლენინელი»). ეს ზღაპრები ცალკე კრებულებად გამოსცა გამომცემლობა «ნაკადულმა» («ბუტია სპილო», 1986, «ბუტია სპილო და სხვა ზღაპრები», 1996), აგრეთვე საგამომცემლო სახლმა «პალიტრა L» («როგორ იხსნეს პატარებმა ანბანი», 2006) ქართულ და ინგლისურ ენებზე (ინგლისური თარგმანი ეკუთვნის ასმათ ლეკიაშვილს). ზღაპარი - რომანი «ბაციკუკუ და სამი ჯადოქარი» გამოაქვეყნა გამომცემლობა «ნაკადულმა» («ბაციკუკუ», 1991). წიგნი ინგლისურად თარგმნა ასმათ ლეკიაშვილმა და გამოცემულია აშშ-ში (Baldie, Publish America, Baltimore, 2005). ტომში შესულია ბოლო დროს დაწერილი ტექსტებიც: მოთხრობა-იგავი «მატარებელი» («ლიტერატურული პალიტრა», 6, 2009) და პუბლიცისტური ნაწარმოები «მოგზაურობა ხელჯოხით სამეგრელოში».