შორენა კორტავა მკითხველს ამჯერად მეტად საინტერესო და ორიგინალურ ნაშრომს სთავაზობს სათაურით - „პოლიტიკის სოციოლოგიის საკითხები“. წიგნი პირობითად ორ ნაწილად შეიძლება გაიყოს -

• I. ძალაუფლება, როგორც კომუნიკაციის საშუალება. 
• II. პოლიტიკური სისტემა და მისი შემადგენელი კომპონენტები.

ავტორი ეყრდნობა იმ ინტელექტუალურ ტრადიციას, რომელიც მე-20 საუკუნის დასასრულს ჩამოყალიბდა და „პოსტმოდერნიზმის“ სახელითაა ცნობილი. თუმცა უნდა აღინიშნოს, რომ ავტორზე უფრო გავლენას ახდენს თანამედროვე გერმანული სოციოლოგიის თვალსაჩინო წარმომადგენელი ნიკალას ლუმანი. ნაშრომში ასევე განხილულია ფერნან ბროდელის, ჟან ბოდრიარის, მიშელ ფუკოს და მორის დიუვერჟეს ნააზრევი.

მკითხველი წიგნის პირველი გვერდებიდან მიხვდება, რომსაქმე გვაქვს მაღალ ინტელექტუალურ გემოვნების ავტორთან, რომელმაც ზუსტად იცის, თუ რა აინტერესებს მას, როგორც მეცნიერს და როგორ მიაწოდოს მკითხველს საკუთარი კვლევის შედეგები.

წიგნი საინტერესო იქნება სტუდენტებისთვის და სოციალური მეცნიერებებით დაინტერესებული მკითხველთა ფართო წრისათვის.