ნაშრომში, როგორც ქართველ, ისე უცხოელ ავტორთა შრომებზე დაყრდნობით განხილულია ემპირიულ და გამოყენებით სოციოლოგიაში გამოყენებული კვლევის მეთოდები. ჩვენს სოციოლოგიურ ლიტერატურაში უკვე განხილული საკითხები წარმოდგენილია უფრო სრულყოფილად, დამატებითი ნიუანსებით. ამასთან, ნაშრომში მნიშვნელოვანი ყურადღება ეთმობა ისეთ საკითხებს, რომლებიც ჩვენში დღემდე განხილული არ ყოფილა და, რომლებიც პირველ გამოცემასთან შედარებით უფრო სრულყოფილად არის წარმოდგენილი. ეს არის პირველი ცდა, სოციოლოგიური კვლევის მეთოდების სრულყოფილად წარმოდგენისა, ამიტომაც იგი დაზღვეული არ იქნება ნაკლოვანებებისაგან. ავტორი მადლიერი იქნება და გაითვალისწინებს შესაბამისი დარგის სპეციალისტთა ყველა საქმიან შენიშვნებსა და წინადადებებს.\nწიგნი დიდ დახმარებას გაუწევს უმაღლესი სასწავლებლების სოციალურ-პოლიტიკური მიმართულების ბაკალავრიატისა და მაგისტრატურის სტუდენტებს, სოციალური მეცნიერების მკვლევარებს, აგრეთვე დაეხმარება სოციოლოგიისა და სოციოლოგიური კვლევებით დაინტერესებულ ყველა მკითხველს.