მითოსურ რომანში «იათნანელი ამორძალები» აღწერილი ამბები ხდება უშორეს წარსულში, აიეტის მეფობის ხანაში. კუნძულ იათანანზე (დღევანდელ კვიპროსზე), ხმელთაშუა ზღვის აუზში რომ მდებარეობს, ცხოვრობენ მითიური აიაიელების შთამომავალნი, რომელთაც წინაპრებისგან მემკვიდრეობით მიიღეს მაღალი კულტურა, დამწერლობა, სარწმუნოება. დროთა ვითარებაში, მომხვდურთა მოძალების შედეგად, იათნანას მკვიდრნი დაძაბუნდნენ და გადაშენების პირზე მივიდნენ. მრავალი ჩვენი და უცხოელი მეცნიერის აზრით და მითოლოგიითაც, ბერძენთა გამოჩენამდე ეგეოსისა და ხმელთაშუა ზღვების აუზში ძირითადი მოსახლეობა ქართველური მოდგმის ტომები იყვნენ. ძველი ტრადიციის თანახმადვე, ამორძალთა მემკვიდრეებად მიიჩნევდნენ ქართველ, კერძოდ, კოლხ ქალებს. ავტორმა თავისუფლებისათვის მებრძოლ ამ ქალებზე არსებული მითები, თავისებურად, ახლებურად გაიაზრა.