გეობოტანიკური ლექსიკონი, რომლის ავტორია ბიოლოგიურ მეცნიერებათა დოქტორი, პროფესორი რევაზ ქვაჩაკიძე, ქართულ ენაზე პირველად გამოდის. ლექსიკონი ემყარება ცნობილ მეცნიერთა ფუნდამენტურ ნაშრომებს, საზღვარგარეთ გამოქვეყნებულ გეობოტანიკურ ლექსიკონებს, ავტორის პირად მრავალწლოვან გეობოტანიკურ გამოკვლევებს. ტერმინების და ცნებების განმარტებისას მოყვანილია მაგალითები და ანალოგები საქართველოს მცენარეულობიდან, რაც მკითხველს ტექსტის აღქმას გაუადვილებს. წიგნი განკუთვნილია ბოტანიკოსთა ფართო წრისთვის, ეკოლოგებისთვის და მათთან ახლომდგომ დისციპლინათა სპეციალისტებისთვის, უმაღლეს სასწავლებელთა საბუნებისმეტყველო ფაკულტეტების მასწავლებლების, მაგისტრებისა და სტუდენტებისთვის.