თანამედროვე ეტაპზე საქართველოში საბაზრო ეკონომიკის ტრანსფორმაციის პროცესის ეფექტიანი წარმართვისთვის ჩვენმა საზოგადოებამ, განსაკუთრებით ახალგაზრდობამ, მსოფლიო მეცნიერებაში დაგროვილი ცოდნისა და ქვეყნის ეროვნული თავისებურებებიდან გამომდინარე უნდა გაითავისოს მენეჯმენტის მეცნიერების ერთ-ერთი საკვანძო მიმართულება – ფინანსური მენეჯმენტის ფილოსოფია, როგორც ფუნდამენტური მეცნიერება და ხელოვნება. რამდენადაც სამეწარმეო-ბიზნესსტრუქტურების ფინანსურ მენეჯერების გადაწყვეტილებების უმრავლესობა ორიენტირებულია ეკონომიკური სუბიექტების (საწარმოს, კორპორაციის) მომავალ წარმატებაზე, ის უნდა ეფუძნებოდეს მენეჯერების პროფესიონალიზმის მაღალ დონესა და უზრუნველყოფდეს მართვის ხელოვნების სიღრმისეულ ცოდნას, ფინანსური პოლიტიკის წარმატებულ რეალიზაციას.