თანამედროვე ეტაპის ბუნებრივი გარემოს მდგომარეობა ანთროპოგენური წნეხების ძლიერი ზეგავლენის ქვეშ იმყოფება. სტიქიის მრისხანე მოვლენები სულ უფრო იზრდება, ხშირად კი განადგურებით ემუქრება ბუნებას: ეროზიას განიცდის ნიადაგსაფარი, ნადგურდება ტყეები, ბინძურდება ჰაერი, წყლები და ახლო კოსმოსური სივრცე, მცირდება ცოცხალი სამყაროს სახეობები, სახეზეა კლიმატის გლობალური დათბობის ნეგატიური შედეგები, უარსდება ადამიანის საცხოვრისი გარემო, გახშირდა წყალმოვარდები და ღვარცოფები, კლდეზვავები, ნიადაგის ეროზია, ტყეებისა და ტორფის ფენების ხანძრები, მძლავრდება მიწისძვრები და ცუნამები, საბოლოოდ კი - საფრთხე ემუქრება ბიოსფეროსა და კაცობრიობას... სტიქიის შენელებას არც მომავალში ველოდებით. მათგან თავდაცვის მეთოდებითა და ხერხებით ადამიანი, ჯერ კიდევ, უზრუნველყოფილი არაა. საზოგადოების მთავარი საზრუნავი კი სტიქის შედეგებთან გამკლავებაა, მათი პრევენციის ღონისძიებების შემუშავება და პრაქტიკაში დანერგვაა. წინამდებარე სახელმძღვანელო, გარემოს გლობალური გეოგრაფიული პრობლემების თეორიული და პრაქტიკული ცოდნის მიღებას ემსახურება. მისი შინაარსიდან გამომდინარე, ის მოემსახურება როგორც სსუ-ის გეოგრაფიის დარგის, ისე საბუნებისმეტყველო სფეროს სხვა სტუდენტებსა და ბუნებრივი გარემოს პრობლემებით დაინტერესებულ ფართო საზოგადოებას.