ბერი ნიკოლოზის გაცნობამდე არ ვიცოდი, არც არავის აუხსნია ჩემთვის და არც ამბიონებიდან მსმენია ოდესმე ქადაგებები იმის შესახებ, თუ რას ნიშნავდა წმინდა სახარების სიტყვები: `...ღმერთის სიბრძნეში რომ ვერ შეიცნო ღმერთი ქვეყანამ საკუთარი სიბრძნით, ღმერთმა ინება ქადაგების სიშლეგით ეხსნა მორწმუნენი~; თუ რაში მდგომარეობს ის სიშლეგე, რომლითაც ინება ღმერთმა მორწმუნეთა ხსნა (1 კორ. 1, 21); თუ რას ნიშნავს და როგორ ხდება ღმერთის ძალის ქადაგება (1 კორ. 1, 24); თუ როგორია იგი – უგუნური ღმრთისა უფრო ბრძენი, ვიდრე კაცნი და უძლური ღმრთისა უფრო ძლიერი, ვიდრე კაცნი (1 კორ. 1, 25); თუ როგორ შეუძლიათ ამ ქვეყნის შლეგთ არცხვინონ ბრძენნი და უძლურთ – არცხვინონ ძლიერნი (1 კორ. 1, 27); თუ რას ნიშნავს ქადაგება სულისა და ძალის გამოვლინებით (1 კორ. 2, 4); თუ როგორ ხდება რწმენის განმტკიცება ღმერთის ძალით (1 კორ. 2, 5); თუ როგორია მსჯელობა სული წმიდის მიერ ნასწავლი სიტყვით და სულიერის სულიერით შეჯერება (1 კორ. 2, 13); თუ როგორ არის შესაძლებელი ძალის ქადაგება საერთოდ და როგორ შეუძლია ბერს ღმერთის ძალის გამოვლენა, ან რაში შეიძლება მდგომარეობდეს იგი; ან როგორია ქადაგება არაკაცური სიბრძნით ნასწავლი სიტყვით (1 კორ 2, 13) და ა.შ.